Ֆլանտրիոյ դաշտերուն մէջ

Ճան Մըքրէյ (թարգ.՝ «Թորոնթոհայ»-ի)

Ֆլանտրիոյ դաշտերուն մէջ կակաչները կը ծփան,

Շարք-շարք խաչերուն միջեւ անոնք կու գան ու կ’երթան,

Խաչեր, որոնք կը նշեն մեր տեղը. մինչ երկինքին մէջ

Արտոյտներ քաջաբար դեռ երգելով` կը թռչին անշէջ

Հազիւ լսուելով գնդակներուն շառաչին մէջ մարտական:

Մենք Մեռեալներն ենք։ Հազիւ թէ քանի մը օր առաջ

Կ՛ապրէինք, կը զգայինք այգը, մայրամուտը հիասքանչ,

Կը սիրէինք եւ սիրուած էինք. ու հիմա կը պառկինք

Ֆլանտրիոյ դաշտերուն մէջ։

Յառաջ տարէ՛ք մեր կռիւը ոսոխին դէմ.

Ձեզի կու տանք տկարացող մեր ձեռքերէն

Ջահը. ձերն է՝ զայն բարձր պահելու:

Թէ յանկարծ չհաւատաք մեռածներուս՝

Պիտ չհանգչինք մենք, մինչ կակաչներ կը բուսնին

Ֆլանտրիոյ դաշտերուն մէջ։

***

ԿԸ ՅԻՇԵՆՔ. Ամէն տարի, 11 նոյեմբերին, Գանատայի տարածքին կը նշենք Յիշատակի օրը. մէկ վայրկեան լռութեամբ կ’ոգեկոչենք յիշատակը զոհուած Գանատացի զինուորներուն եւ կը յարգենք ներկայիս ծառայող զինծառայողները:

Այս տարի, Յիշատակի օրուան առիթով, սիրով կը ներկայացնենք «Ֆլանտրիոյ դաշտերուն մէջ» քերթուածին արեւմտահայերէն թարգմանութիւնը։ Գանատայի պատերազմական շրջանի ամենէն յայտնի քերթուածը գրուած է փոխգնդապետ Ճան Մըքրէյի կողմէ 1915-ին, Իփրի երկրորդ ճակատամարտէն ետք։ Նահատակ զինուորներու գերեզմաններուն մէջ ծաղկող կակաչներու պատկերը կը շարունակէ խորապէս յուզել ո՛չ միայն գանատացիները, այլ նաեւ աշխարհատարած մարդիկ, որոնք կը յիշեն զոհուածները:

լուսանկարը՝ «Արարատը՝ կակաչներու դաշտին ետին/Հայաստան» Անն Սահակեան, 30.48 x 16.51 սմ. խառն միջոցներ

***

LEST WE FORGET: Every year, on Nov. 11, Canadians take a solemn moment to honour and remember the men and women who have served, and continue to serve, Canada during periods of war, conflict, and peace.

On this Remembrance Day, Torontohye is honoured to present, for the first time, our (Western) Armenian translation of "In Flanders Fields"–one of Canada's most significant wartime poems. Written by Lieutenant-Colonel John McCrae in 1915 after the Second Battle of Ypres, this poem has become a powerful symbol of remembrance. The imagery of poppies blooming among the graves of fallen soldiers continues to resonate deeply, not only with Canadians but with people worldwide who pause to remember those who made the ultimate sacrifice.